… / …

 4

Cy devant Dieu fais congnoissance

Que creature feusse morte,

Ne feust vostre doulce naissance,

En charité puissant et forte,

Qui ressucite et réconforte

Ce que Mort avoit prins pour sien.

Vostre presence me conforte.

On doit dire du bien le bien.

5

Cy vous rens toute obeÿssance

— Ad ce faire Raison m'exorte —

De toute ma ovre puissance.

Plus m'est deul qui desconforte

N'aultre ennuy de quelconque sorte :

Vostre je suis et non plus mien.

Ad ce Droit et Devoir m'enhorte :

On doit dire du bien le bien.

6

O grace et pitié immense,

L'entréë de paix et la porte,

Some de begnigne clemence,

Qui nos faultes tout et supporte

Se de nous louer me deorte,

Ingrat suis, et je le maintiens,

Dont en ce refrain me transporte ;

O doit dire du bien le bien.

Princesse, ce loz je vous porte

Qui sans vous je ne feusse rien.

A vous et à tous m'en rapporte :

On doit dire du bien le bien.

 … / …

François Villon