Du merveilleux effet de son amour
Par domcorrieras, le mardi 21 septembre 2010 - Poèmes & chansons - lien permanent
De moy elle a, et d'elle j'ay la vie,
La vie moy ? mais, las, j'ay la mort d'elle,
Qui touesfois auray vengeance telle
Que par sa mort ma mort sera suyvie :
Lon diroit bien qu'elle a brulante envie
De m'estre douce, autant qu'elle est rebelle.
Car si je ris, elle rit (l'infidèle)
Et mon pleurer à pleurer la convie :
Mais tant en vain ce qui me suyt, je suys,
Que hors d'espoir de l'approcher je suis,
Ja tout seiché, et de sang, et de pleurs :
Que reste plus sinon qu'un dieu propice
Pour couronner son prétre au sacrifice,
D'un homme mort face une vive fleur ?
GUILLAUME DES AUTELZ (1529-1581)