Drech e torçut - Droit et tordu
Par domcorrieras, le dimanche 13 février 2022 - Poèmes & chansons - lien permanent
Jamai
Leon
jamai
lo viurem pas coma tu
lo poèma
jamai coneisserem pas
presoniers de nòstrei nuechs d’angoissa
la paraula estransinada
que de la garganta en nos de soca millenària
electriza lo còs entier
e lo fai mots e vèrbs
e cant en dessús dau cant
jamai coma aquela fin de jorn
qu’intraviam ja dins l’escur negre
de la primiera naissença
quand tu
drech e torçut
au pè dei torres
– luenh dins lo vèspre
lo riu Aude passant sota lo pònt vièlh –
seguissiás
testut coma de generacions d’ases negres
ton boier mitic
e tant fasiás de manadets d’imatges
de la terra qu’a ton entorn
pas mai que d’aur lusent
regisclava
que se’n cresiam
un moment
d’èstre venguts lei reis
coronats de sa glòria
.................
Jamais
Léon
jamais
nous ne le vivrons comme toi
le poème
jamais nous ne connaîtrons
prisonniers de nos nuits
d’angoisse
la parole exténuée
qui de la gorge en nœud de souche millénaire
électrise le corps tout entier
et le fait devenir mots et verbes
et chant au-dessus du chant
jamais comme en cette fin de journée
où nous entrions déjà dans l’obscure noirceur
de la première naissance
quand toi
droit et tordu
au pied des tours
– au loin dans le soir
le fleuve Aude passait sous le pont vieux –
tu suivais
têtu comme des générations d’ânes noirs
ton mythique bouvier
et tu faisais surgir une pluie d’images
de la terre qui autour de toi
toute luisante d’or
jaillissait
au point qu’un instant
nous croyions
en être devenus les rois
couronnés de sa gloire
Felip Gardy / Dins un cèu talhant de blau, Tolosa, Letras d’Oc, 2010 (en hommage à Leon Còrdas )