Baise m'encor, rebaise moy et baise
Par domcorrieras, le lundi 10 mai 2021 - Poèmes & chansons - lien permanent
XVIII
Baise m'encor, rebaise moy et baise
Donne m'en un de tes plus savoureus,
Donne m'en un de tes plus amoureus :
Je t'en rendray quatre plus chaus que braise.
Las, te pleins-tu ? ça que ce mal j'apaise,
En t'en donnant dix autre doucereus.
Ainsi meslans nos baisers tant heureus
Jouissins nous l'un de l'autre à notre aise.
Lors double vie à chacun en suivra.
Chacun en soy et son ami vivra.
Permets m'Amour penser quelque folie :
Tousjours suis mal, vivant discrettement,
Et ne me puis donner contentement,
Si hors de moy ne fay quelque saillie.
Louise Labé / Sonnets