CY GIST ET DORT EN CE SOLLIER¹

QU’AMOURS OCCIST DE SON RAILLON²,

UNG POVRE PETIT ESCOLLIER,

QUI FUT NOMME FRANCOYS VILLON.

ONCQUES DE TERRE N’OT SILLON.

IL DONNA TOUT, CHASCUN LE SCET :

TABLES, TRESTEAULX, PAIN, CORBEILLON.

GALLANS, DICTES EN CE VERSET :

REPOS ETERNEL DONNE A CIL³,

SIRE, ET CLARTE PERPETUELLE,

QUI VAILLANT PLAT NI ESCUELLE

N’EUT ONCQUES, N’UNG BRAIN DE PERCIL.

IL FUT REZ⁴, CHIEF, BARBE ET SOURCIL,

COMME UNG NAVET QU’ON RET OU PELLE.

REPOS ETERNEL DONNE A CIL.

RIGUEUR LE TRANSMIT EN EXIL,

ET LUY FRAPPA AU CUL LA PELLE⁵,

NON OBSTANT QU’IL DIT : « J’EN APPELLE ! »

QUI N’EST PAS TERME TROP SUBTIL.

REPOS ETERNEL DONNE A CIL.

…………………
 

1. Chambre haute. — 2. Trait. — 3. Lui. — 4. Rasé. — 5. Le condamna à mort.

François Villon / in Paul Eluard / La poésie du passé - anthologie