« Il n'y a pas de plus grand poète.
Il y a la poésie. »

Paul Fort (Canzone du vrai de vrai / Portraits sur le sable)

LAY


 

 

 

 

Pere sainct, excommuniez,

Vostre puissance desliez,

De vostre bouche mauldissez,

Et en tous estats pugnissez

Qui a PAIX ira du contraire !

Clergié, vos cueurs humiliez,

Envers Dieu si vous raliez,

En oraisons vos cueurs liez,

Piteusement le suppliez

Afin que puissez PAIX attraire.

 

Noblesse, or vous reveillez

Et a faire PAIX si veuillez,

Car en guerre trop sommeillez,

Soient vos cueurs appareillez

Pour PAIX en vous du tout pourtraire.

Bourgeois, marchans, peuple, criez,

A haulte voix vous escriez,

Et point si ne vous descriez,

La Paix veuillez en vous retraire,

Ou vrayment vos jours sont briefs.

Jehan Regnier (1392 - 1470 env.).
Illustration tirée de :  Les fortunes et adversitez de feu... Jehan Regnier, escuyer, en son vivant seigneur de Garchy et bailly d'Aucerre.